Petit lexique gascon de l'Entre-deux-Mers

L’Entre-duas-Mars es una part de Gironda redde oblidada deus especialistes de la lenga occitana e gascona, la varianta oficiala de l’ensenhament estent basat suu biarnés damb apòrts lengadocians e catalans. L’Entre-duas-Mars es egau una region fòrt interessanta deu punt de vista linguistic, que s’i costejan mantunas fòrmas de gascon, amèi lo marotin e una varianta de lengadocian. Subit las influenças de Bordèu e de Garona d’una part, de Sentonja e de Dordonha d’auta part, e tanben deu francés, lenga oficiala. Un lexic hasèva lavetz mestèir per milhor aprehendar lo vocabulari deu virat, a còps mèi rishe que çò que cresen ; la matièra ne manquèt pas, qu’èstin las cartas topograficas, las òbras de «Florimond» e de sons collaborators, las basas de donadas lexicograficas...Gabrièu Balloux, un june Bordalés originari de l’Entre-duas-Mars, s’interèssa a la cultura regionala, en particulièr aus paròlis tradicionaus de Gironda. Membre de l’Institut d’Estudis Occitans dempui 2009, a tanben aviat un jornalòt electronic en gascon.